ಪಾದಗಳಲ್ಲಿ ಕಾಣಿಸುವ ಈ ಸಮಸ್ಯೆಗಳು ಫ್ಯಾಟಿ ಲಿವರ್ ಆರಂಭಿಕ ರೋಗಲಕ್ಷಣವೂ ಆಗಿರಬಹುದು, ಹುಷಾರ್!

Fatty Liver Symptoms In Feet: ದೇಹದ ಪ್ರತಿಯೊಂದು ಅಂಗವೂ ಮುಖ್ಯವೇ. ಅವುಗಳಲ್ಲಿ ಯಕೃತ್ ಎಂದರೆ ಲಿವರ್ ಕೂಡ ಒಂದು. ಲಿವರ್ ನಮ್ಮ ದೇಹದಲ್ಲಿ ಹಲವು ಪ್ರಮುಖ ಕಾರ್ಯಗಳನ್ನು ನಿರ್ವಹಿಸುತ್ತದೆ. ನಮ್ಮ ರಕ್ತದಿಂದ ಹಾನಿಕಾರಕ ವಸ್ತುಗಳನ್ನು ತೆಗೆದುಹಾಕುವುದು ಇದರ ಪ್ರಮುಖ ಕೆಲಸವಾಗಿದೆ. ಯಕೃತ್ ನಮ್ಮ ದೇಹವು ಕೊಬ್ಬನ್ನು ಜೀರ್ಣಿಸಿಕೊಳ್ಳಲು ಸಹಾಯಕವಾಗುವ ಪಿತ್ತರಸವನ್ನು ಕೂಡ ಉತ್ಪಾದಿಸುತ್ತದೆ. ಮಾತ್ರವಲ್ಲ, ಯಕೃತ್ತು ಇತರ ರಾಸಾಯನಿಕಗಳನ್ನು ಔಷಧಿಗಳೊಂದಿಗೆ ಬೆರೆಸುತ್ತದೆ. ಯಕೃತ್ ಗ್ಲೂಕೋಸ್ ಅನ್ನು ಉತ್ಪಾದಿಸುವ ಮತ್ತು ಸಂಗ್ರಹಿಸುವ ಮೂಲಕ ರಕ್ತದಲ್ಲಿನ ಸಕ್ಕರೆ ಮಟ್ಟವನ್ನು ನಿಯಂತ್ರಿಸುತ್ತದೆ. ಇಷ್ಟೆಲ್ಲಾ ಕಾರ್ಯ ನಿರ್ವಹಿಸುವ ಲಿವರ್ ಆರೋಗ್ಯದಲ್ಲಿ ಕೊಂಚ ಏರುಪೇರಾದರೂ ಅದು ಗಂಭೀರ ಆರೋಗ್ಯ ಸಮಸ್ಯೆಗಳಿಗೆ ಕಾರಣವಾಗಬಹುದು. 

ವಾಸ್ತವವಾಗಿ, ನಾವು ಸಾಮಾನ್ಯವಾಗಿ ಕಾಣಿಸಿಕೊಳ್ಳುವ ಕಾಲಿನ ಉರಿಯೂತ, ಪಾದದಲ್ಲಿ ಆಗಾಗ್ಗೆ ಕಂಡು ಬರುವ ನೋವಿಗೆ ನಾವೇ ಒಂದಿಲ್ಲೊಂದು ಕಾರಣ ಹೇಳಿ ಅವುಗಳನ್ನು ನಿರ್ಲಕ್ಷಿಸುತ್ತೇವೆ. ಆದರೆ, ಪಾದದಲ್ಲಿ ಕಾಣಿಸಿಕೊಳ್ಳುವ ನೋವು ಫ್ಯಾಟಿ ಲಿವರ್ ಸಮಸ್ಯೆಯ ಆರಂಭಿಕ ಲಕ್ಷಣವೂ ಆಗಿರಬಹುದು ಎಂದು ನಿಮಗೆ ತಿಳಿದಿದೆಯೇ?

ಏನಿದು ಫ್ಯಾಟಿ ಲಿವರ್?
ಫ್ಯಾಟಿ ಲಿವರ್ ಹೆಸರೇ ಸೂಚಿಸುವಂತೆ ಇದು ಕೊಬ್ಬಿನ ಯಕೃತ್  ಅಂದರೆ ಯಕೃತ್ತಿನ ಹಿಗ್ಗುವಿಕೆ. ಹೆಚ್ಚಿನ ಜನರು ಅದರ ಆರಂಭಿಕ ಲಕ್ಷಣಗಳ ಬಗ್ಗೆ ಗಮನ ಹರಿಸುವುದಿಲ್ಲ. ಆದರೆ ಯಕೃತ್ತಿನ ರೋಗವು ಮುಂದುವರೆದಂತೆ, ಅನೇಕ ಆರೋಗ್ಯ ಸಮಸ್ಯೆಗಳು ಹೆಚ್ಚಾಗುತ್ತವೆ. ಇದರ ಆರಂಭಿಕ ಚಿಹ್ನೆಗಳು ಪಾದಗಳಲ್ಲಿ ಕಂಡು ಬರುತ್ತದೆ. 

ಇದನ್ನೂ ಓದಿ- Peanuts For Diabetes: ಮಧುಮೇಹಿಗಳು ಕಡಲೆಕಾಯಿಯನ್ನು ತಿನ್ನಬಹುದೇ? ಇಲ್ಲಿದೆ ಮಹತ್ವದ ಮಾಹಿತಿ

ಪಾದಗಳಲ್ಲಿ ಕಾಣಿಸುವ ಈ ಸಮಸ್ಯೆಗಳು ಫ್ಯಾಟಿ ಲಿವರ್ ರೋಗಲಕ್ಷಣಗಳ ಎಚ್ಚರಿಕೆಯ ಗಂಟೆ!
ಪಾದಗಳ ಮರಗಟ್ಟುವಿಕೆ ಅಥವಾ ಜುಮ್ಮೆನಿಸುವಿಕೆ:
ಪಾದಗಳ ಮರಗಟ್ಟುವಿಕೆ ಅಥವಾ ಜುಮ್ಮೆನಿಸುವಿಕೆಯು ಕೂಡ ಫ್ಯಾಟಿ ಲಿವರ್ ಲಕ್ಷಣವಾಗಿರಬಹುದು. ಇದಲ್ಲದೆ, ಹೆಪಟೈಟಿಸ್ ಸಿ ಸೋಂಕನ್ನು ಹೊಂದಿರುವ ಜನರಲ್ಲೂ ಈ ಲಕ್ಷಣಗಳು ಕಂಡು ಬರುತ್ತದೆ. ನೀವು ಆಗಾಗ್ಗೆ, ಈ ಸಮಸ್ಯೆಯನ್ನು ಎದುರಿಸುತ್ತಿದ್ದರೆ ತಪ್ಪದೇ ಕೂಡಲೇ ವೈದ್ಯರನ್ನು ಸಂಪರ್ಕಿಸಿ.

ಕಾಲುಗಳಲ್ಲಿ ನೋವು:
ಪದೇ ಪದೇ ಕಾಲು ನೋವು ಬರುವುದು ಕೂಡ ಯಕೃತ್ತಿನ ಕಾಯಿಲೆಯ ಸಾಮಾನ್ಯ ಲಕ್ಷಣ. 

ಕಾಲು ಅಥವಾ ಪಾದಗಳ ಊತ:
ಸಾಮಾನ್ಯವಾಗಿ ಪಾದಗಳಲ್ಲಿ ಅಥವಾ ಕಾಲಿನಲ್ಲಿ ಊತ ಕಂಡು ಬಂದರೆ ಅದು ಬಿಪಿ ಹೆಚ್ಚಾಗಿದೆ ಅಂತಲೋ ಅಥವಾ ಹೆಚ್ಚು ನಡೆದಿದ್ದಕ್ಕೆ ಈ ರೀತಿ ಆಗಿರಬಹುದು ಎಂದು ನಾವು ಊಹಿಸುತ್ತೇವೆ. ಆದರೆ, ನಮ್ಮ ದೇಹದಲ್ಲಿ ಯಕೃತ್ತು ಸರಿಯಾಗಿ ಕಾರ್ಯನಿರ್ವಹಿಸದಿದ್ದಾಗ, ಅದು ದೇಹದಲ್ಲಿ ವಿಷಕಾರಿ ಅಂಶಗಳ ರಚನೆಗೆ ಕಾರಣವಾಗುತ್ತದೆ. ಇದು ಬಾಹ್ಯ ಎಡಿಮಾವನ್ನು ಉಂಟುಮಾಡುತ್ತದೆ. ಅದೇ ಸಮಯದಲ್ಲಿ, ಸಿರೋಸಿಸ್ನಂತಹ ಕೆಲವು ಯಕೃತ್ತಿನ ಕಾಯಿಲೆಗಳು ಅಧಿಕ ರಕ್ತದೊತ್ತಡ ಎಂಬ ಸ್ಥಿತಿಗೆ ಕಾರಣವಾಗಬಹುದು. ಈ ಕಾರಣದಿಂದಾಗಿ, ಕಾಲುಗಳಲ್ಲಿ ಉಬ್ಬಿರುವ ರಕ್ತನಾಳಗಳು ರೂಪುಗೊಳ್ಳುತ್ತವೆ ಮತ್ತು ಇದರಿಂದಾಗಿ ಕಾಲುಗಳಲ್ಲಿ ನೋವು ಉಂಟಾಗುತ್ತದೆ.

ಇದನ್ನೂ ಓದಿ- Egg Side Effects: ನಿಮಗೂ ಈ ಆರೋಗ್ಯ ಸಮಸ್ಯೆಗಳಿವೆಯೇ? ಯಾವುದೇ ಕಾರಣಕ್ಕೂ ಮೊಟ್ಟೆ ತಿನ್ನಬೇಡಿ

ಪಾದಗಳಲ್ಲಿ ತುರಿಕೆ:
ಯಕೃತ್ತಿನ ಸಮಸ್ಯೆಗಳಲ್ಲಿ, ಪಿತ್ತರಸ ನಾಳಗಳು ನಿರ್ಬಂಧಿಸಲ್ಪಡುತ್ತವೆ ಅಥವಾ ಹಾನಿಗೊಳಗಾಗುತ್ತವೆ, ಇದು ದೇಹದಲ್ಲಿ ಪಿತ್ತರಸವನ್ನು ನಿರ್ಮಿಸಲು ಕಾರಣವಾಗಬಹುದು. ಇದರಿಂದಾಗಿ ಕೈಕಾಲುಗಳಲ್ಲಿ ತೀವ್ರ ತುರಿಕೆಯ ಸಮಸ್ಯೆಯೂ ಕಾಣಿಸಿಕೊಳ್ಳಬಹುದು. ಇಂತಹ ಯಾವುದೇ ಲಕ್ಷಣಗಳು ಕಂಡು ಬಂದರೂ ಅದನ್ನು ನಿರ್ಲಕ್ಷಿಸದೇ ಮೊದಲು ನಿಮ್ಮ ವೈದ್ಯರನ್ನು ಸಂಪರ್ಕಿಸಿ.

ಸೂಚನೆ: ಇಲ್ಲಿ ನೀಡಲಾದ ಮಾಹಿತಿಯು ಮನೆಮದ್ದುಗಳು ಮತ್ತು ಸಾಮಾನ್ಯ ಜ್ಞಾನವನ್ನು ಆಧರಿಸಿದೆ. ಅದನ್ನು ಅಳವಡಿಸಿಕೊಳ್ಳುವ ಮೊದಲು ವೈದ್ಯಕೀಯ ಸಲಹೆಯನ್ನು ಪಡೆಯಿರಿ. Zee ಮೀಡಿಯಾ ಇದನ್ನು ಖಚಿತಪಡಿಸುವುದಿಲ್ಲ.

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.