Prabhas Kalki Postponed: రెబల్ స్టార్ ప్రభాస్ ప్రస్తుతం వరుస సినిమాలతో ఫుల్ బిజీగా ఉన్నాడు. అందులో ముందుగా నాగ్ అశ్విన్ దర్శకత్వంలో 'కల్కి 2898 AD' మూవీ చేస్తున్నాడు. ముందుగా ఈ సినిమాను ఈ ఇయర్ సంక్రాంతికి విడుదల చేస్తున్నట్టు ప్రకటించారు. కానీ పోస్ట్ ప్రొడక్షన్ వర్క్ ఇతరత్రా కారణాల వల్ల ఈ సినిమాను మే 9న విడుదల చేస్తున్నట్టు ప్రకటించారు. ఇదే డేట్‌లో వైజయంతీ మూవీస్ బ్యానర్లో తెరకెక్కిన 'జగదేకవీరుడు అతిలోకసుందరి', మహానటి సినిమాలు విడుదలై సంచలన విజయాలు సాధించాయి. ఆ సెంటిమెంట్ ప్రకారం 'కల్కి 2898 AD' మూవీ కూడా బ్లాక్ బస్టర్ అవుతుందని మేకర్స్ బలంగా నమ్ముకుతున్నారు. తాజాగా ఈ సినిమాను మే 9న రిలీజ్ కావడం డౌటే అంటున్నారు ఫిల్మ్ నగర్ వర్గాలు. ప్రస్తుతం దేశ వ్యాప్తంగా సార్వత్రిక ఎన్నికల హడావుడి ఉంది. ప్రజలందరి మూడో దానిపైనే ఉంది. ఇక తెలంగాణ, ఆంధ్రప్రదేశ్‌లో కూడా మే 13న పోలింగ్ డేట్ ఉంది. తెలంగాణలో లోక్‌సభ ఎన్నికలు.. ఏపీలో లోక్‌సభతో పాటు అసెంబ్లీ ఎన్నికలు ఉన్నాయి. ఈ నేపథ్యంలో ఈ సినిమాను మే 9న విడుదల చేయడం డౌటే అని చెబుతున్నారు. పైగా ఈ సినిమా ప్యాన్ ఇండియా మూవీ.. అన్ని రాష్ట్రాల్లో ఎలక్షన్ కోడ్ జూ 4 రిజల్డ్ డేట్ వరకు ఉంటుంది.
మరోవైపు కల్కి సినిమాకు ఎక్కువ డబ్బులు రావాలంటే ఏపీ, తెలంగాణతో పాటు పలు రాష్ట్రాల్లో ప్రీమియర్ షోలు పడాల్సిందే. ప్రస్తుతం పోలీస్ ఇతర ప్రభుత్వ యంత్రాగం మొత్తం ఎలక్షన్స్ పైనే దృష్టి కేంద్రీకరిస్తాయి. ఈ నేపథ్యంలో ఈ సినిమాకు స్పెషల్ షో పర్మిషన్స్.. రావడం కష్టమనే అభిమాప్రాయాలున్నాయి. అందుకే ఈ సినిమాను ఎన్నికల తర్వాత మంచి డేట్‌లో ఏ సినిమా పోటీ లేకుండా రిలీజ్ చేయాలనే ప్లాన్‌లో ఉన్నారు.
కల్కి సినిమా షూటింగ్ విషయానికొస్తే.. రీసెంట్‌గా ప్రభాస్, దిశా పటానీలపై ఇటలీలోని 'సార్డినియా' ద్వీపంలో గడ్డకట్టే చలిలో ఓ పాటను పిక్చరైజ్ చేసారు. అక్కడ ప్రభాస్, దిశా పటానీలు అక్కడ దిగిన ఫోటోను చిత్ర యూనిట్ పోస్ట్ చేసిన సంగతి తెలిసిందే కదా. అక్కడ షూటింగ్ పూర్తి కావడంతో చిత్ర యూనిట్ భారత్‌కు తిరిగి వచ్చింది. ఆ తర్వాత కొన్ని కీలక సన్నివేశాలతో 'కల్కి' షూటింగ్ పార్ట్ కంప్లీట్ కానుంది. ఈ చిత్రంలో అమితాబ్ బచ్చన్ కీలక పాత్రలో నటిస్తున్నారు. అటు కమల్ హాసన్ ప్రతినాయకుడిగా కనిపించనున్నారు. దీపికా హీరోయిన్‌గా నటిస్తోంది. ఇప్పటికే దీపికాకు సంబంధించిన షూట్ కంప్లీటైంది.
ఇక 'కల్కి' మూవీ మహాభారతంతో మొదలై 2898 ADతో ముగుస్తుందని దర్శకుడు నాగ్ అశ్విన్ ఓ ఇంటర్వ్యూలో ప్రస్తావించారు. మొత్తంగా 6 వేల యేళ్ల ప్రయాణాన్ని 'కల్కి' మూవీలో చూపించబోతున్నారు. అంతేకాదు ఇందులో నాటి రోజులకు తగ్గట్టు భారతీయత ఉట్టిపడేలా ఓ కొత్త ప్రపంచాన్నే ఈ సినిమా యూనిట్ క్రియేట్ చేసింది. ఈ మూవీ తర్వాత ముందుగా మారుతి దర్శకత్వంలో 'ది రాజా సాబ్' మూవీని కంప్లీట్ చేయనున్నాడు. ఆ తర్వాత సందీప్ రెడ్డి వంగా దర్శకత్వంలో 'స్పిరిట్' మూవీ ఉండనే ఉంది. అటు ఫైటర్ మూవీ దర్శకుడు సిద్ఘార్ధ్ ఆనంద్ మూవీ ఉండనే ఉంది. అటు హను రాఘవపూడి దర్శకత్వంలో ప్రభాస్ ఓ మూవీ చేయబోతున్నట్టు సమాచారం. అటు కన్నప్ప సినిమాలో ప్రభాస్.. మహా శివుడి పాత్రలో కనిపించబోతున్న సంగతి తెలిసిందే కదా. మరోవైపు ప్రభాస్ ఎక్స్(ట్విట్టర్) టాప్ హ్యాష్ ట్యాగ్స్ ఆఫ్ భారత్ లిస్టులో ఏకైక హీరోగా నిలిచారు ప్రభాస్. ఎంటర్ టైన్ మెంట్ విభాగంలో టాప్ 10 మోస్ట్ యూజ్‌డ్ హ్యాష్ ట్యాగ్స్ లో ప్రభాస్ మాత్రమే చోటు దక్కించుకున్నారు. ట్విట్టర్ భారత్ (ఇండియా) ఈ లిస్ట్ రిలీజ్ చేసింది. ఇది ప్రభాస్ స్టార్ డమ్ కు నిదర్శనం.
Also read: Bhatti Vikramarka: భట్టి విక్రమార్కకు ఇఫ్తార్ విందులో అవమానం.. వైరల్ గా మారిన వీడియో ఇదే...
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook
