Drinking Juice Empty Stomach: పండ్లు ఆరోగ్యానికి ఎంతో మేలు చేస్తాయి. వీటిలో ఉండే పోషకాలు శరీరానికి ఎంతో ఉపయోగపడుతాయి. డైట్ లో భాగంగా చాలా మంది ఉదయం అల్పాహారం మానేసి ఖాళీ కడుపుతో జ్యూస్ తాగుతున్నారు. తాజా పండ్ల రసం రుచికరమైనది, పోషకాలతో సమృద్ధిగా ఉంటుంది. అయితే, ఖాళీ కడుపుతో జ్యూస్ తాగడం వల్ల అనేక దుష్ప్రభావాలు కలుగుతాయని ఆరోగ్యానిపుణులు చెబుతున్నారు. అయితే ఖాళీ కడుపుతో జ్యూస్ లను తాగితే ఏమౌతుందో తెలుసుకుందాం..
ఖాళీ కడుపుతో జ్యూస్ లను తీసుకోవడం వల్ల కలిగే నష్టాలు:
ఖాళీ కడుపుతో జ్యూస్లను తీసుకోవడం వల్ల పండ్ల రసంలో ఉండే ఆమ్లం దంతాల ఎనామెల్ ను క్షీణింపజేస్తుంది. అంతేకాకుండా దీని వల్ల పళ్ళు సున్నితంగా మారతాయి. ఉదయం ఖాళీ కడుపుతో పండ్ల రసాలు తీసుకోవడం వల్ల పండ్లలో ఉండే ఫైబర్ జీర్ణక్రియకు సహాయపడుతుంది. ఖాళీ కడుపుతో జ్యూస్ తాగడం వల్ల ఫైబర్ శరీరానికి అందక మలబద్ధకం వంటి సమస్యలు వస్తాయి. డయాబెటిస్ వ్యాధిగ్రస్తులు పండ్ల రసాలను ఉదయం తీసుకోవడం మంచిది కాదని ఆరోగ్యనిపుణులు చెబుతున్నారు. దీని వల్ల రక్తంలో చక్కెర స్థాయి పెంచుతాయి.
అధిక బరువు ఉన్నవారు ఖాళీ కడుపుతో జ్యూస్ను తీసుకోవడం వల్ల ఆకలి వేస్తుంది. ఇందులో ఉండే కేలరీలు బరువును పెంచే అవకాశం ఉంటుంది. కాబట్టి ఉదయం జ్యూస్ తీసుకోవడం మంచిది కాదు. ఖాళీ కడుపుతో జ్యూస్ తాగడం వల్ల అసిడిటీ, కడుపు నొప్పి, వికారం, వాంతులు కూడా కలిగే అవకాశం ఉంటుంది. కాబట్టి మీరు ఖాళీ కడుపుతో జ్యూస్ తీసుకోవడం మంచిది కాదని ఆరోగ్యనిపుణులు చెబుతున్నారు. జ్యూస్ లో పోషకాల శాతం తక్కువగా ఉంటుంది. పండ్లు లేదా కూరగాయలు తినడం వల్ల లభించే ఫైబర్, యాంటీఆక్సిడెంట్లు జ్యూస్ లో అంతగా ఉండవు. ఖాళీ కడుపుతో జ్యూస్ తాగడం వల్ల శరీరం ఈ పోషకాలను సరిగ్గా శోషించుకోలేకపోతుంది. అయితే ఖాళీ కడుపుతో జ్యూస్ కంటే నీళ్ళు తీసుకోవడం వల్ల ఎన్నోలాభాలు ఉంటాయి.
నీరు తాగడం వల్ల కలిగే ప్రయోజనాలు:
రాత్రంతా నిద్రపోయిన తర్వాత, శరీరం డీహైడ్రేట్ అవుతుంది. ఖాళీ కడుపుతో నీరు తాగడం వల్ల శరీరానికి తగినంత నీరు అందుతుంది, శక్తి స్థాయిలు పెరుగుతాయి. నీరు మూత్రపిండాలకు సహాయపడి, శరీరంలోని విషాలను మూత్రం ద్వారా బయటకు పంపుతుంది.ఖాళీ కడుపుతో నీరు తాగడం వల్ల జీర్ణ అగ్ని ప్రేరేపించబడుతుంది, ఆహారం సులభంగా జీర్ణమవుతుంది.ఖాళీ కడుపుతో నీరు తాగడం వల్ల మలబద్ధకం రాకుండా ఉండటానికి సహాయపడుతుంది.
జ్యూస్ కంటే నీటికి ప్రాధాన్యత ఎందుకు ఇవ్వాలి:
చక్కెర: చాలా జ్యూస్లలో చక్కెర ఎక్కువగా ఉంటుంది, ఇది బరువు పెరగడానికి దంత సమస్యలకు దారితీస్తుంది.
నీరు: జ్యూస్లో నీటి శాతం తక్కువగా ఉంటుంది, ఖాళీ కడుపుతో హైడ్రేషన్ కోసం నీరే మంచి ఎంపిక.
పోషకాలు: జ్యూస్ తయారీ సమయంలో కొన్ని ముఖ్యమైన పోషకాలు నశించే అవకాశం ఉంది.
ముగింపు:
ఖాళీ కడుపుతో జ్యూస్ తాగడం వల్ల అనేక దుష్ప్రభావాలు ఉన్నాయి. అందువల్ల, ఉదయం అల్పాహారం తిన్న తర్వాత జ్యూస్ తాగడం మంచిది.
Also Read 2024 Bajaj Pulsar N250: మార్కెట్లోకి కొత్త పల్సర్ N250 వచ్చేసింది.. ఫీచర్స్, స్పెషిఫికేషన్స్ ఇవే
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి