Gajalakshmi Raja Yoga 2024 In Telugu: జ్యోతిష్య శాస్త్రంలో గ్రహాల సంచారాలకు ప్రత్యేక ప్రాముఖ్యత ఉంది. ప్రతి గ్రహం ఒక్కొక్క నిర్దిష్ట సమయంలో ఒక్కొక్క రాశిలోకి సంచారం చేస్తుంది. దీనికి కారణంగా ప్రత్యేక ప్రభావంతో పాటు యోగాలు కూడా ఏర్పడుతూ ఉంటాయి. ఇలా ఏర్పడిన యోగాలు అన్ని రాశుల వారిపై సమానంగా ప్రభావం చూపుతాయి. ముఖ్యంగా జాతకాల్లో గ్రహాలు శుభస్థానంలో ఉన్నవారికి గ్రహ సంచారాల కారణంగా విపరీతమైన ధన లాభాలు కలుగుతాయి. ఇదిలా ఉండగా ఏప్రిల్ 25వ తేదీన శుక్రుడు మేషరాశిలోకి సంచారం చేయబోతున్నాడు. ఈ సంచారం మధ్యాహ్నం 12 గంటలకు జరగబోతోంది. దీని కారణంగా మేషరాశిలో ఎంతో ప్రాముఖ్యత కలిగిన గజలక్ష్మి రాజయోగం ఏర్పడబోతోంది.
జ్యోతిష్య శాస్త్రంలో గజలక్ష్మి రాజయోగానికి ఎంతో ప్రత్యేక ప్రాముఖ్యత ఉంది. ఈ యోగం జాతకంలో ప్రత్యేకమైన స్థానాల్లో ఉన్నవారికి ఐశ్వర్యం, సౌభాగ్యం లభించడమే కాకుండా జీవితంలో వస్తున్న సమస్యలన్నీ సులభంగా పరిష్కారమవుతాయి. అయితే ఈ యోగ ప్రభావం కొన్ని రాశుల వారిపై మే 19 వరకు కొనసాగుతుంది. ఈ యోగం శుభ స్థానంలో ఉన్న రాశుల వారు ఈ సమయంలో ఎలాంటి పనులు చేసిన విపరీతమైన ధన లాభాలతో పాటు అదృష్టాన్ని పొందుతారు. అయితే ఈ యోగ ప్రభావం ఏయే రాశుల వారిపై పడుతుందో ఇప్పుడు తెలుసుకోండి.
ఈ రాశుల వారిపై గజలక్ష్మి రాజయోగ ప్రభావం:
మేషరాశి:
మేషరాశిలోకి శుక్రుడు సంచారం చేయడం కారణంగా ఏర్పడే గజలక్ష్మి రాజయోగ ప్రభావం మేష రాశి వారిపై పడబోతోంది. దీని కారణంగా వీరు అనేక శుభవార్తలు పొందుతారు. దీంతో పాటు సమాజంలో ఉన్నతమైన గౌరవాన్ని సాధించగలుగుతారు. దీంతో పాటు వీరికి ఉద్యోగాల్లో ప్రమోషన్స్ లభించడమే కాకుండా ఊహించని స్థాయిలో జీతం పెరిగే అవకాశాలు కూడా ఉన్నాయి. ముఖ్యంగా వ్యాపారాలు చేసిన వారికి ఈ సమయం చాలా కలిసి వస్తుంది. వీరు పెట్టుబడులు పెట్టడం కారణంగా విపరీతంగా లాభాలు పొందగలిగే అవకాశాలు ఉన్నాయి. వైవాహిక జీవితంలో వస్తున్న సమస్యలు కూడా సులభంగా పరిష్కారం కాబోతున్నాయి. అంతేకాకుండా ఇంట్లో కూడా శుభకార్యాలు జరుగుతాయి.
మకర రాశి:
గజలక్ష్మి రాజయోగ ప్రభావం మకర రాశి వారిపై కూడా పడబోతోంది. దీని కారణంగా ఈ రాశి వారు ఎన్నో రకాల ప్రయోజనాలు పొందుతారు. అంతే కాకుండా ఈ సమయంలో అన్ని రంగాల్లో ఉద్యోగాలు చేసే వారికి పురోగతి లభిస్తుంది. ఆర్థిక ఇబ్బందులు కూడా తొలగిపోయి, లక్ష్మీదేవి అనుగ్రహం కారణంగా తన లాభాలు కూడా కలుగుతాయి. అంతేకాకుండా వీరికి ఉద్యోగాల్లో కొత్త అవకాశాలు లభిస్తాయి. వివాహం కాని వారికి కొత్త భాగస్వామితో పరిచయం అయ్యే అవకాశాలు ఉన్నాయి. దీంతోపాటు ఇంతకుముందు సమస్యలు కూడా సులభంగా పరిష్కారమవుతాయి.
కుంభరాశి:
కుంభ రాశి వారికి కూడా గజలక్ష్మి రాజయోగం కారణంగా అనేక రకాల లాభాలు కలుగుతాయి. ముఖ్యంగా వీరికి లక్ష్మీదేవి అనుగ్రహం లభించి సంపాదన విపరీతంగా పెరుగుతుంది. దీంతోపాటు ఇంతకుముందు చెల్లించాల్సిన అప్పులు కూడా ఈ సమయంలో చెల్లించ గలుగుతారు. ఉద్యోగాలు చేస్తున్న వారికి పదోన్నతులు కూడా వచ్చే అవకాశాలున్నాయి. దీంతోపాటు వీరికి జీతం పెరిగి కార్యాలయంలో పేరు ప్రతిష్టలు లభిస్తాయి. ఆర్థిక స్థితిగతులు కూడా ఇంతకు ముందున్న దానికంటే ఇప్పుడు మరింత మెరుగుపడతాయి. ప్రేమ జీవితం గడుపుతున్న వారికి ఈ సమయం ఎంతో మధురంగా ఉండబోతోంది. అలాగే ఈ సమయంలో భాగస్వామి పూర్తి సపోర్టుతో ఎలాంటి పనులైనా చేసేందుకు ఆసక్తి చూపుతారు.
Also Read 2024 Bajaj Pulsar N250: మార్కెట్‌లోకి కొత్త పల్సర్ N250 వచ్చేసింది.. ఫీచర్స్‌, స్పెషిఫికేషన్స్‌ ఇవే!
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebookసోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి
