ഉലകനായകൻ കമൽഹാസനെ നായകനാക്കി ശങ്കർ സംവിധാനം നിർവഹിക്കുന്ന ബ്രഹ്മാണ്ഡ ചിത്രം 'ഇന്ത്യൻ 2' തിയേറ്ററുകളിലേക്ക് എത്തുന്നു. ചിത്രം ജൂണിൽ എത്തുമെന്ന് നേരത്തെ പ്രഖ്യാപിച്ചിരുന്നെങ്കിലും ചിത്രം എത്താൻ അതിലും വൈകുമെന്നാണ് പുതിയ പ്രഖ്യാപനത്തിലൂടെ വ്യക്തമാകുന്നത്. ചിത്രത്തിന്റെ റിലീസ് തിയതി ഔദ്യോഗികമായി പ്രഖ്യാപിച്ചിരിക്കുകയാണ് അണിയറക്കാർ. ജൂലൈ 12ന് ലോകമെമ്പാടുമുള്ള തിയേറ്ററുകളിൽ ചിത്രം റിലീസിനെത്തും. കൂടാതെ ചിത്രത്തിലെ ആദ്യ ഗാനം എപ്പോൾ എത്തുമെന്ന അറിയിപ്പും നൽകിയിട്ടുണ്ട്. ആദ്യ സിംഗിൾ മെയ് 22ന് പുറത്തിറക്കും.
റോയൽ ചലഞ്ചേഴ്സ് ബെംഗളൂരു ചെന്നൈ സൂപ്പർ കിംഗ്സ് മത്സരത്തിന് മുൻപായി നടന്ന പ്രമോഷൻ പരിപാടിയിലാണ് ഇക്കാര്യങ്ങൾ കമൽ ഹാസൻ വ്യക്തമാക്കിയത്. കൂടാതെ ചിത്രത്തിന്റെ മൂന്നാം ഭാഗത്തിന്റെ ചിത്രീകരണവും കഴിഞ്ഞതായി കമൽ അറിയിച്ചു. രണ്ടാം ഭാഗം പുറത്തിറങ്ങി ആറ് മാസത്തിന് ശേഷം മൂന്നാം ഭാഗം തിയറ്ററുകളിലെത്തുമെന്നാണ് അറിയിച്ചിരിക്കുന്നത്. ലൈക പ്രൊഡക്ഷൻസിന്റെ ബാനറിൽ സുബാസ്‌കരൻ, റെഡ് ജെയന്റ് മൂവീസ് നിർമ്മിക്കുന്ന ഈ ബിഗ് ബജറ്റ് ചിത്രം സേനാപതിയായ് അഴിമതിക്കെതിരെ ഒറ്റയാൾ പോരാട്ടം നടത്തിയ കമൽഹാസന്റെ 'ഇന്ത്യൻ' എന്ന ചിത്രത്തിന്റെ തുടർച്ചയാണ്. ആകർഷകമായ ആഖ്യാനത്തിലൂടെ പ്രേക്ഷകരെ കൂടുതൽ ആകർഷിക്കുമെന്ന് 'ഇന്ത്യൻ 2' അവകാശപ്പെടുന്നു.
ഭാവനകളെ ഉണർത്തികൊണ്ട് 'ഇന്ത്യൻ 2'വിലൂടെ 'സീറോ ടോളറൻസ്' എന്ന ടാഗ്‌ലൈൻ സംഭരിക്കുന്നതിനായുള്ള കാത്തിരിപ്പ് വർദ്ധിപ്പിക്കുകയാണ് കമൽഹാസൻ്റെ സേനാപതി. എസ് ജെ സൂര്യ, പ്രിയ ഭവാനി ശങ്കർ, കാജൽ അഗർവാൾ, സിദ്ധാർത്ഥ്, രാകുൽ പ്രീത് സിംഗ്, വിവേക്, കാളിദാസ് ജയറാം, ഗുൽഷൻ ഗ്രോവർ, സമുദ്രക്കനി, ബോബി സിംഹ, ബ്രഹ്മാനന്ദം, സക്കീർ ഹുസൈൻ, പിയൂഷ് മിശ്ര, ഗുരു സോമസുന്ദരം, ഡൽഹി ഗണേഷ്, ജയപ്രകാഷ്, മനോബാല, അശ്വിനി തങ്കരാജ് തുടങ്ങി അഭിനേതാക്കളുടെ ഒരു മികച്ച നിര തന്നെ ചിത്രത്തിലുണ്ട്. ബി. ജയമോഹൻ, കബിലൻ വൈരമുത്തു, ലക്ഷ്മി ശരവണ കുമാർ തുടങ്ങിയ എഴുത്തുകാരുമായ് ചേർന്നാണ് ചിത്രത്തിന്റെ തിരക്കഥ ശങ്കർ തയ്യാറാക്കിയത്. കഥ സംവിധായകന്റെതാണ്.
Also Read: Good Bad Ugly Release: അജിത് ചിത്രം പൊങ്കൽ റിലീസായെത്തും; 'ഗുഡ് ബാഡ് അഗ്ലി' അപ്ഡേറ്റ്
അനിരുദ്ധ് രവിചന്ദറിൻ്റെ സംഗീത മികവ്, രവി വർമ്മ‌ൻ്റെ ആകർഷകമായ ഛായാഗ്രഹണം, ശ്രീകർ പ്രസാദിൻ്റെ സമർത്ഥമായ എഡിറ്റിംഗ് എന്നിവയാൽ ഇതുവരെ ഇല്ലാത്ത ഒരു സിനിമാറ്റിക് അനുഭവമാണ് 'ഇന്ത്യൻ 2' വാഗ്ദാനം ചെയ്യുന്നത്. സിനിമകളോടുള്ള അഭിനിവേശത്തിന് പേരുകേട്ട വ്യക്തിയാണ് സുബാസ്‌കരൻ അല്ലിരാജ. ആവേശകരവുമായ എൻ്റർടെയ്‌നറുകൾ ബിഗ് സ്‌ക്രീനിലൂടെ നൽകി ആളുകളെ കൈകാര്യം ചെയ്യുന്ന അദ്ദേഹത്തിന്റെ തമിഴ് ചിത്രം 'ഇന്ത്യൻ 2' തെലുങ്കിൽ 'ഭാരതീയുഡു 2', ഹിന്ദിയിൽ 'ഹിന്ദുസ്ഥാനി 2' എന്നീ പേരുകളിൽ റിലീസ് ചെയ്യും.
എക്സിക്യൂട്ടീവ് പ്രൊഡ്യുസർ: സുന്ദര്‌ രാജ്, ലൈക്ക പ്രൊഡക്ഷൻസ് ഹെഡ്: ജികെഎം തമിഴ് കുമാരൻ, റെഡ് ജയൻ്റ് മൂവീസ്: എം ഷെൻബാഗമൂർത്തി, പ്രൊഡക്ഷൻ ഡിസൈനർ: ടി മുത്തുരാജ്, സംഭാഷണം: ഹനുമാൻ ചൗധരി, ഗാനരചന: ശ്രീമണി, സൗണ്ട് ഡിസൈനർ: കുനാൽ രാജൻ, വിഎഫ്എക്സ് സൂപ്പർവൈസർ: വി ശ്രീനിവാസ് മോഹൻ, മേക്കപ്പ്: ലെജസി ഇഫക്‌ട്‌സ്, വാൻസ് ഹാർട്ട്‌വെൽ, പട്ടണം റഷീദ്, വസ്ത്രാലങ്കാരം: റോക്കി, ഗാവിൻ മിഗുവൽ, അമൃത റാം, എസ് ബി സതീശൻ, പല്ലവി സിംഗ്, വി സായ്, പബ്ലിസിറ്റി ഡിസൈനർ: കബിലൻ ചെല്ലയ്യ, കോറിയോഗ്രാഫർ: ബോസ്കോ സീസർ, ബാബ ബാസ്കർ, ആക്ഷൻ: അൻബരിവ്, റമസാൻ ബുലട്ട്, അനൽ അരസു, പീറ്റർ ഹെയ്ൻ, സ്റ്റണ്ട് സിൽവ.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ... ios Link - https://apple.co/3hEw2hy
