മലയാളത്തിന്റെ പ്രിയ നടി മഞ്ജു വാര്യരുടെ 45ാം പിറന്നാളാണിന്ന്. മലയാള സിനിമയിലെ ലേഡി സൂപ്പർസ്റ്റാർ എന്നാണ് മഞ്ജു അറിയപ്പെടുന്നത്.
95-ൽ പുറത്തിറങ്ങിയ സാക്ഷ്യം എന്ന ചിത്രത്തിലൂടെയാണ് മലയാള സിനിനമയിലേക്ക് എത്തിയത്. 17ാം വയസിലായിരുന്നു ഇത്.
പിന്നീട് സല്ലാപം, ഈ പുഴയും കടന്ന്, തൂവൽ കൊട്ടാരം, ആറാം തമ്പുരാൻ തുടങ്ങി ഒട്ടേറെ ചിത്രങ്ങളിൽ മഞ്ജു വേഷമിട്ടു.
ആറാം തമ്പുരാനിലെ ഉണ്ണിമായ, കണ്ണെഴുതി പൊട്ടും തൊട്ടിലെ ഭദ്ര, കന്മദത്തിലെ ഭാനു, കളിയാട്ടത്തിലെ താമര അങ്ങനെ മഞ്ജു ചെയ്ത വേഷങ്ങളിൽ ഇന്നും മലയാളികളുടെ മനസിൽ തങ്ങി നിൽക്കുന്നവയാണ്.
ഈ പുഴയും കടന്ന് എന്ന ചിത്രത്തിലെ അഭിനയത്തിന് താരത്തിന് മികച്ച നടിക്കുള്ള സംസ്ഥാന ചലച്ചിത്ര അവാർഡ് ലഭിച്ചിരുന്നു.
1999ൽ പത്രം എന്ന സിനിമയോടെ കരിയറിന് ബ്രേക്ക് നൽകിയ മഞ്ജു പിന്നീട് 2014ൽ റോഷൻ ആൻഡ്രൂസിന്റെ ഹൗ ഓൾഡ് ആർ യു എന്ന ചിത്രത്തിലൂടെ തിരിച്ചുവന്നു.
കൈനിറയെ ചിത്രങ്ങളുമായി തന്റെ അഭിനയ മികവ് കൊണ്ട് ഇന്നും പ്രേക്ഷകരെ അതിശയിപ്പിക്കുകയാണ് താരം.
തമിഴിലും മഞ്ജു വാര്യർ ഇതിനോടകം സിനിമകൾ ചെയ്തു കഴിഞ്ഞു.
