Ovarian Cancer: ఒవేరియన్ కేన్సర్ అనేది మహిళలకు సంభవించే అత్యంత ప్రమాదకరకమైన వ్యాధి. వరల్డ్ ఒవేరియన్ కేన్సర్ డే సందర్భంగా మహిళల్లో ఈ వ్యాధి పట్ల అవగాహన కల్పించాల్సిన అవసరముంది. ఎందుకంటే ఈ వ్యాధి గురించి చాలా రకాల అవాస్తవాలు, పుకార్లు ప్రచారంలో ఉన్నాయి. ఇందులో ఏది నిజం, ఏది కాదనేది తెలుసుకోవాలి. ఒవేరియన్ కేన్సర్కు సంబంధించి ప్రచారంలో ఉన్నవాటిలో ఆరు నిజాలు, ఆరు అవాస్తవాలేంటో చూద్దాం.
ప్రచారంలో: ఒవేరియన్ సిస్ట్ , ఒవేరియన్ కేన్సర్ రెండూ ఒకటే అని ఉంది.
వాస్తవం: ఒవేరియన్లో సిస్ట్ అనేది సాధారణం. ఎక్కువగా ఇది కేన్సరస్ కాదు. ఒకవేళ సిస్ట్ పరిమాణం పెరుగుతూ ఇతర లక్షణాలు కన్పిస్తే మాత్రం అప్రమత్తం అవాలి.
ప్రచారంలో: కేవలం జీన్స్ పరంగా అంటే ఫ్యామిలీ హిస్టరీలో ఉంటేనే కేన్సర్ ముప్పు ఉంటుంది.
వాస్తవం.: అయితే కుటుంబ చరిత్రలో కేన్సర్ ఉంటే ముప్పు పెరుగుతుంది. కానీ కుటుంబ చరిత్ర లేని మహిళలకు ఈ వ్యాధి సంక్రమించదనేది అబద్ధం.
ప్రచారంలో: ఒవేరియన్ కేన్సర్ అనేది ప్రాణాంతకమైంది
వాస్తవం: ఒవేరియన్ కేన్సర్ ప్రారంభంలో గుర్తించగలిగితే చికిత్స ద్వారా మంచి ఫలితాలు సాధించవచ్చు. అందుకే ఎప్పటికప్పుడు పరీక్షలు చేయిస్తుండాలి. లక్షణాలు కన్పిస్తే మాత్రం అలర్ట్ అవాలి.
ప్రచారంలో: ఒవేరియన్ కేన్సర్ అనేది కేవలం వయస్సులో పెద్దవాళ్లయిన మహిళలకే వస్తుంది
వాస్తవం: అయితే ఒవేరియన్ కేన్సర్ ఎక్కువగా మెనోపాజ్ దాటిన మహిళల్లో కన్పిస్తుంది. కానీ ఏ వయస్సువారికైనా ఈ వ్యాధి రావచ్చు. అందుకే వయస్సుతో సంబంధం లేకుండా అందగరూ ఈ వ్యాధి లక్షణాలపై అప్రమత్తంగా ఉండాలి
ప్రచారంలో: ఒవేరియన్ కేన్సర్కు లక్షణాలు కన్పించవు
వాస్తవం: ఒవేరియన్ కేన్సర్ ప్రారంభంలో లక్షణాలు కన్పించవు. కానీ వ్యాధి పెరిగే కొద్దీ మహిళల్లో కడుపు నొప్పి, బ్లోటింగ్, తరచూ మూత్రం రావడం, అసామాన్యంగా వెజైనల్ డిశ్చార్జ్, బరువు తగ్గడం, ఆకలి మందగించడం వంటి లక్షణాలు కన్పిస్తుంటాయి. ఈ లక్షణాలు మీలో కన్పిస్తే వెంటనే వైద్యుని సంప్రదించాలి
ప్రచారంలో: ప్యాప్ స్మీయర్ టెస్ట్ ద్వారా ఒవేరియన్ కేన్సర్ గుర్తించవ్చు
వాస్తవం: ప్యాప్ స్మీయర్ పరీక్ష సర్వైకల్ కేన్సర్ గుర్తించేందుకు చేస్తారు. ఈ టెస్ట్ ద్వారా ఒవేరియన్ కేన్సర్ ఉందో లేదో తెలియదు. ఒవేరియన్ కేన్సర్ గుర్తించేందుకు ఏ స్క్రీనింగ్ టెస్ట్ లేదు. కానీ వైద్యుని సంప్రదించి కొన్ని పరీక్షల ద్వారా తెలుసుకోవచ్చు.
Also read: Brain Health Tips: రోజూ ఈ డ్రింక్స్ తాగితే చాలు మీ మెదడు కంప్యూటర్లా పనిచేస్తుంది
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్లోడ్ చేసుకోండి.
Android Link - https://play.google.com/store/apps/details?id=com.indiadotcom.zeetelugu
Apple Link - https://apps.apple.com/in/app/zee-telugu-news/id1633190712
మా సోషల్ మీడియా పేజీలు సబ్స్క్రైబ్ చేసేందుకు క్లిక్ చేయండి Twitter , Facebook